medium

large

thumbnail

1536x1536

2048x2048

small

custom-size

Framboðsfundur í beinni hér í kvöld kl. 18:10

Amma Andrea og Flotinn hlutu viðurkenningu Barnaheilla

Fjórða tap Snæfells í röð kom á móti Fjölni

Mikil eftirspurn eftir greiðslumarki í sauðfé

Allnokkrir ökumenn í símanum við aksturinn

Stýrivextir ögn niður

core/freeform

Það viðraði vel í morgun fyrir listamennina á Akranesi sem nú skreyta veggi. Nafnarnir Bjarni Skúli Ketilsson og Bjarni Þór Bjarnason voru báðir á fullu við verk sín þegar blaðamaður Skessuhorns átti leið um, eru langt komnir með þau. Sífellt voru bæjarbúar að gefa sig á tal við þá félaga og ekki alltaf sem verkin unnust í samfellu, enda eru þeir báðir ræðnir og kurteisir menn.

Baski málar verk sitt á gafl gömlu mjölgeymslu Brims niður við höfn. Bjarni Þór málar hins vegar á norðurgafl gamla Landsbankahússins við Akratorg. Báðir eru þeir í verkum sínum með skírskotun til atvinnulífs liðinna tíma, en verkin eru engu að síður afar ólík. Baski segist sækja innblástur til kirkjuglugga í Flórens á Ítalíu, en hann málaði mikið í þessum stíl í kringum 2005. Bjarni Þór tekur fjallahringinn, líkt og horft sé í gegnum húsið, en á myndinni eru ýmis þekkt kennileiti á Akranesi, svo sem kútterinn, skip úr smiðju Þ&amp;E, vitinn, Akraneskirkja og fleira sem margir þekkja. Verk þeirra nafna munu ásamt fleiri útilistaverkum prýða bæinn sem hluti af sérstöku vegglistarátaki sem nú er í gangi og sagt hefur verið frá í Skessuhorni.

<img class="alignnone size-medium wp-image-55987" src="https://skessuhorn.is/wp-content/uploads/2022/09/Listamenn-i-utivinnu_2-600x450.jpg" alt="" />

Listamenn í útivinnu