{
  "name": "core/freeform",
  "attributes": [],
  "saveContent": "Heilbrigðisstofnun Vesturlands hefur sent frá sér tilkynningu um erfiða tíma í læknamönnun á Heilsugæslunni í Borgarnesi. Þar segir að vegna skorts á læknum þar hafi þurft að forgangsraða þjónustu undanfarið eða frá því læknir lét af störfum í lok júlí. Svo segir í tilkynningunni:\r\n\r\n„Nú hafa bæst við óvænt forföll í september sem veldur því að að þurft hefur að manna læknastöður frá degi til dags. Von er á lækni til fastra starfa 15. september n.k. en ljóst að áfram horfum við fram á erfiða tíma varðandi læknamönnun.\r\n\r\nSíðustu vikuna hefur náðst að halda upp lágmarkslæknisþjónustu með einum lækni og á þessari stundu er útlit fyrir að það verði einn læknir hverju sinni fram til 15. september en unnið að því að reyna að fá fleiri.\r\n\r\nÁ meðan þetta ástand varir þarf að forgangsraða verkefnum. Áfram líkt og áður mun starfsfólk heilsugæslunnar ávallt sinna þeirri bráðaþjónustu sem ekki getur beðið annarra úrlausna.\r\n\r\nEins og staðan er núna er ekki hægt að bóka tíma eða símatíma hjá lækni en hjúkrunarfræðingar munu taka á móti aðkallandi málum og leysa eftir bestu getu eins og aðstæður leyfa.“",
  "innerBlocks": []
}