medium

large

thumbnail

1536x1536

small

custom-size

Sóttu vélarvana bát á Faxaflóa

Innkalla kjúkling vegna gruns um salmonellu

Púlsinn tekin á nokkrum ferðaþjónustufyrirtækjum á Vesturlandi

2048x2048

Tveir styrkir úr Framkvæmdasjóði ferðamannastaða – leiðrétt frétt

Fara í Míluna á hverjum degi

Héldu allsherjar brunaæfingu í FVA

core/freeform

Samkvæmt ákvörðun Svandísar Svavarsdóttur matvælaráðherra er hafin vinna við gerð skýrslu á stöðu lagareldis hér á landi. Lagareldi er nýyrði í málinu og verður yfirheiti yfir sjókvía-, land-, þörunga- og úthafseldi. Ljúka á við skýrsluna í nóvember á þessu ári.

Að undangengnu útboði hefur matvælaráðuneytið samið við bandaríska ráðgjafafyrirtækið Boston Consulting Group Nordic AB um gerð skýrslunnar þar sem gerð verður ítarleg úttekt á stöðu lagareldis á Íslandi. Í skýrslunni verða greindir framtíðarmöguleikar og áskoranir greinarinnar og mun sú vinna nýtast við stefnumótun ráðuneytisins. Tekið verður mið af umhverfismálum, verðmætasköpun og regluverki. „Til samræmis við stjórnarsáttmála ríkisstjórnarinnar verður áhersla lögð á að kortleggja tækifæri til sjálfbærs vaxtar greinarinnar með vísindalega þekkingu að leiðarljósi. Höfð verður hliðsjón af samanburðargreiningu við þau lönd sem helst stunda lagareldi. Einnig verður gerð úttekt á mögulegum mótvægisaðgerðum vegna umhverfisáhrifa af hinni ýmsu starfsemi svo sem sjókvíaeldis,“ segir í tilkynningu frá ráðuneytinu.

Mikill vöxtur hefur verið í leyfisveitingum til sjókvíaeldis og framleiðslu á laxi undanfarinn áratug hér á landi. Einnig liggja fyrir áætlanir um framleiðslu á laxi á landi af stærðargráðu sem á sér ekki fordæmi hérlendis. Áhugi á þörungarrækt hefur jafnframt aukist verulega. „Það er augljóst að lagareldi er framtíðaratvinnugrein á heimsvísu,“ segir Svandís Svavarsdóttir matvælaráðherra. „Það eru í senn okkar forréttindi og ábyrgð að koma málum í þann farveg að greinin eigi sér bjarta framtíð á Íslandi, með hagsmuni samfélags og náttúru að leiðarljósi.“

Lagareldi er nýyrði yfir eldi í vatni