Þannig litu gosstöðvarnar út þegar flogið var yfir í farþegaflugvél klukkan 21:30 í gærkvöldi. Ljósm. gó.

Gasmengun gæti orðið á Vesturlandi í dag

Hlutfall brennisteinstvíoxíðs í andrúmslofti á Vesturlandi getur hækkað og loftgæði versnað vegna eldgossins í Merardölum. Á vefsíðu Veðurstofunnar er gasdreifingarspá þar sem hægt er að sjá hvernig gasið dreifir sér á hverjum klukkutíma og áhrifasvæði gass á næstu sex klukkutímum og á næstu 24 klukkutímum. Þar sést að í dag mun gasmengun leggja yfir Akranes, Borgarnes, Mýrar, Snæfellsnes og Dali. Mengun frá gosinu er mikil eins og sést á meðfylgjandi ljósmynd sem tekin var á flugi yfir gosstöðvarnar í gærkvöldi. Fólki er bent á vefinn loftgæði.is þar sem fylgjast má með loftgæðum á hverjum stað.

Líkar þetta

Fleiri fréttir