Eldgosið nýtur sín frá Akranesi

Eldgosið sem hófst í gær á Reykjanesi í Merardölum nýtur sín í fjarlægð frá á Akranesi en meðfylgjandi mynd tók blaðamaður í hádegisgöngu á Langasandi fyrr í dag. Gosið er að sögn sérfræðinga allt að fimm sinnum kröftugra en síðasta gos, einnig tífalt stærra og er hraunflæðið um 32 rúmmetrar á sekúndu. Fólk er byrjað að streyma spennt að til að bera gosið augum en Víðir Reynisson yfirlögregluþjónn hjá Almannavörnum biður fólk um að fara varlega. Ferðalagið að gosinu tekur í heild sinni allt að fimm klukkustundir og er leiðin löng og erfið. Víðir biðlar því til fólks að bíða þangað til aðgengi hefur verið lagað.

Líkar þetta

Fleiri fréttir