{
  "name": "core/freeform",
  "attributes": [],
  "saveContent": "Völsungur og Víkingur Ólafsvík mættust í 2. deild karla í knattspyrnu á laugardaginn og fór leikurinn fram á PCC vellinum á Húsavík. Leikurinn byrjaði ekki gæfulega fyrir gestina því á 19. mínútu varð Emmanuel Eli Keke fyrir því óláni að skora sjálfsmark. Heimamenn létu síðan kné fylgja kviði fimm mínútum fyrir hálfleikshléið þegar Áki Sölvason skoraði annað mark þeirra í leiknum og staðan í hálfleik 2-0 fyrir Völsung.\r\n\r\nMikael Hrafn Helgason hleypti spennu í leikinn á 63. mínútu þegar hann minnkaði muninn fyrir Víking en Adam var ekki mjög lengi í Paradís því aðeins sex mínútum síðar skoraði Adolf Bitegeko þriðja mark Völsungs og tryggði sigur norðanmanna, lokastaðan 3-1 fyrir Völsung.\r\n\r\nVíkingur er í níunda sæti deildarinnar með tólf stig eftir 13 umferðir og er sex stigum frá öruggu sæti. Næsti leikur liðsins er á miðvikudaginn gegn toppliði Njarðvíkur á Rafholtsvellinum í Njarðvík og hefst klukkan 19.15.",
  "innerBlocks": []
}