{
  "name": "core/freeform",
  "attributes": [],
  "saveContent": "Grótta og ÍA mættust á föstudaginn í 2. deild kvenna í knattspyrnu og var leikurinn á Seltjarnarnesi. Fyrir leik munaði fimm stigum á liðunum, Grótta var í öðru sæti með 17 stig og ÍA með tólf í því fimmta og því afar mikilvægur leikur í toppbaráttunni. Leikurinn byrjaði vel fyrir Skagakonur því á 16. mínútu leiksins kom Unnur Ýr Haraldsdóttir þeim yfir í leiknum en tíu mínútum síðar jafnaði Tinna Jónsdóttir metin fyrir Gróttu og bætti síðan við öðru marki skömmu síðar. Til að bæta gráu ofan á svart bætti Mist Grönvold þriðja markinu við tíu mínútum fyrir hálfleik og staðan 3-1 fyrir heimakonur eftir fyrri hálfleikinn.\r\n\r\nÞað voru síðan þær Lilja Scheving, Lilja Liv Margrétardóttir og Bjargey Ólafsson sem skoruðu þrjú mörk fyrir Gróttu í seinni hálfleiknum og stórsigur þeirra staðreynd, 6-1. Það er ljóst að Skagakonur þurfa að gera mun betur það sem eftir lifir af deildinni ef þær ætla að komast aftur upp í Lengjudeildina. Bandaríski miðjumaðurinn Nikolina Musto mun spila með ÍA út þessa leiktíð en hún kom um helgina til félagsins frá gríska félaginu AE Larissa og ætti að vera klár í slaginn þegar ÍA mætir KH á Valsvellinum þann 8. ágúst næstkomandi klukkan 20.",
  "innerBlocks": []
}