medium

large

thumbnail

1536x1536

2048x2048

small

custom-size

Fjölbreyttir og ennþá fjölskylduvænni Írskir dagar hefjast í næstu viku

Góð stemning við upphaf Brákarhátíðar og Hinsegin hátíðar Vesturlands – syrpa

Framlög til jöfnunar tónlistarnáms

Góður gangur í lagfæringum Dagverðarneskirkju

Tvöföldun vegar um Kjalarnes ekki boðin út á þessu ári

Mikið viðbragð þegar leki kom að fiskibáti

core/freeform

Eftir að hafa tapað fyrstu tíu leikjum sínum í A riðli 4. deildar karla í knattspyrnu í sumar náði Reynir Hellissandi loksins að landa þremur stigum í hús. Til að kóróna það skoruðu þeir ellefu mörk gegn fjórum á móti Herði frá Ísafirði í sínum ellefta leik í deildinni. Það var ekki rigning á laugardaginn á Ólafsvíkurvelli þegar leikurinn fór fram en það gjörsamlega rigndi inn mörkum. Reynir komst í 2-0 eftir tíu mínútna leik en Hörður var búinn að jafna fimm mínútum síðar með tveimur mörkum. Heimamenn bættu því næst við tveimur stykkjum og staðan í hálfleik 4-2 fyrir Reyni.

Reynismenn skoruðu fyrstu fimm mörk seinni hálfleiks og voru algerlega á eldi, staðan orðin 9-2 þegar rúmlega 20 mínútur voru eftir leiknum. Bæði lið náðu síðan að skora tvö mörk það sem eftir lifði leiks, lokastaðan 11-4 í ótrúlegum leik. Leikur liðanna fyrr í sumar endaði með sigri Harðar 7-0 svo það má segja að það hafi verið alger viðsnúningur í þessum leik hverjar svo sem skýringarnar á því eru. Fyrirliðinn Ingvar Freyr Þorsteinsson fór fyrir sínum mönnum og fór mikinn því hann skoraði alls fimm mörk í leiknum, Bárður Jóhönnuson var með þrennu, Kristófer Máni Atlason var með tvö mörk og Kristófer James Eggertsson með eitt. Reynir komst úr botnsæti riðilsins með þessum sigri, þeir eru með þrjú stig eins og lið KFB en með aðeins betri markatölu.

Næsti leikur Reynis er eftir verslunarmannahelgina, á móti botnliði KFB, föstudaginn 5. ágúst á Álftanesi og hefst klukkan 20.

Reynir Hellissandi með stórsigur á móti Herði Ísafirði