medium

thumbnail

small

custom-size

ÍA vermir áfram botnsætið eftir tap gegn Fram

large

1536x1536

2048x2048

Auknar tekjur hafnarsjóðs

Leyfi til litarefnarannsóknar í Hvalfirði í skoðun

Ísland á leið heim af EM eftir leik við Noreg á fimmtudaginn

Gul viðvörun vegna suðaustan hvassviðris í dag

Metaðsókn er í lögreglunám

core/freeform

Einn helsti velgjörðarmaður Reykholtskirkju og Snorrastofu frá upphafi bygginganna undir lok síðustu aldar var norski kaupsýslumaðurinn og skipaútgerðarmaðurinn Jans Petter Røed, sem lést fyrr í sumar. Á sinni tíð efnaðist hann á skiparekstri og alþjóðaviðskiptum og var í hópi auðugustu Norðmanna. Tilviljun mun hafa ráðið því að um aldamótin heimsótti hann Reykholt og hreifst af þeim framkvæmdahug sem lítill söfnuður uppi í Borgarfirði sýndi í verki með byggingu kirkjunnar og Snorrastofu. Í framhaldi af því batt hann ástfóstri við staðinn og lagði henni til gríðarlegt fé, greiddi raunar niður skuldir safnaðarins. Kostaði Røed auk þess framkvæmdir í kirkjuturni og stærstu kirkjuklukkuna sem síðan 2005 hefur hljómað um staðinn. Síðar kostaði hann krossinn sem komið var fyrir vestan við gafl kirkjunnar.

<strong>„You return“</strong>

Í blaðaviðtali eitt sinn sagði Geir Waage um Røed að hann hafi verið afar vel lesinn í fornbókmenntum Íslendinga og vel að sér um íslensk þjóðfélagsmál og hafi dáðst að árangri Íslendinga á ýmsum sviðum. Hann hafi verið hrifinn af því frelsi og þeim gangi sem væri í viðskiptalífinu. Geir sagðist eitt sinn hafa spurt hann að því hvers vegna hann væri svo örlátur, en svarið hafi verið: „You earn - you learn - you return.“ Hann taldi sem sé að þeim sem vegnaði og gengi vel, bæri skylda til að láta gott af sér leiða.

<strong>Skilaboð til Íslands</strong>

Jan Petter Røed lést 20. júní síðastliðinn, viku eftir níræðisafmæli sitt. Var hann jarðsettur í Noregi 14. júlí. Lætur hann eftir sig fjögur börn, auk barnabarna. Ekkja hans er Alison Kerr. Þorvaldur Jónsson, formaður sóknarnefndar Reykholtskirkju, segir í samtali við Skessuhorn, að við útför Jan Petters hafi lögmaður dánarbús hans beðið um þau skilaboð til sóknarnefndar Reykholtskirkju að hennar væri getið í erfðaskrá athafnamannsins. Í framhaldi þess ákvað sóknarnefndin að skipa Geir Waage sem tengilið sinn við lögmanninn og dánarbúið. Að sögn Þorvaldar liggur hins vegar ekki fyrir hversu miklum fjármunum Norðmaðurinn ánafnaði Reykholtskirkju að sér gengnum, en það mun skýrast á næstu vikum eða misserum.

[caption id="attachment_55025" align="alignnone" width="600"]<img class="wp-image-55025 size-medium" src="https://skessuhorn.is/wp-content/uploads/2022/07/Reykholtskirkja-erfir_2-600x605.png" alt="" width="600" height="605" /> Jan Petter Røed (1932-2022).[/caption]

Reykholtskirkja á arf í vændum