{
  "name": "core/freeform",
  "attributes": [],
  "saveContent": "Um helgina verður blásið til fimm ára afmælis Bowie veggjarins við Kirkjubraut á Akranesi með tónleikum og listsýningum en David Bowie hefði orðið 75 ára á þessu ári. Björn Lúðvíksson, eða Bjössi Lú eins og hann er jafnan kallaður, er einn þeirra sem hratt af stað þeirri framkvæmd að mála þennan heiðursvegg. Hann málaði hann að mestu leyti á þremur mánuðum ásamt Halldóri Randver Lárussyni sem útfærði verkið og málaði aðeins með honum þetta flotta listaverk. Einnig er Bjössi Lú búinn að tengja saman nokkra listamenn á Akranesi sem ætla að gera mynd af Bowie, hvert með sinni tegund af list sem verður dreift víða um bæinn í gluggum verslana.\r\n\r\nSamhliða afmælinu verður sýning í gamla Landsbankahúsinu og tribute tónleikar niðri á Breið rétt hjá Akranesvita. Á sýningunni í Landsbankahúsinu koma Bowie aðdáendur saman og sýna muni sem þeir hafa keypt, eins og plötur, myndir og hvaðeina. Þar geta aðdáendur David Bowie hist og rætt saman um goðið sitt og söngkonan Heiða Eiríks mun stíga á stokk á laugardeginum. Sama kvöld mun Bowie-tribute hljómsveitin Lizt halda tónleika á Breiðinni í skemmunni við hliðina á Hafbjargarhúsinu en hljómsveitina skipa þeir Róbert Marshall, Þór Freysson, Hersir Sigurgeirsson, Gunz A La Tomma og Kristinn Gallagher. Hljómsveitin flytur á þriðja tug laga sem spanna feril þessa magnaða tónlistarmanns.\r\n\r\nTónleikarnir hefjast klukkan 21 á laugardagskvöldið og er miðaverð 3.500 krónur. Posi verður við innganginn, engar veitingar verða á staðnum en fólk má hafa með sér nesti segir í auglýsingu um tónleikana á FB.",
  "innerBlocks": []
}