{
  "name": "core/freeform",
  "attributes": [],
  "saveContent": "Í liðinni viku var Landsmót hestamanna haldið á Hellu á Rangárvöllum. Veðrir spilaði stórt hlutverk á mótinu, var fremur fúlt flesta mótsdagana. Á fimmtudeginum þurfti að fresta dagskrá og fella dagskrárliði út, meðal annars hópreiðina. Á mótinu kom fram rjóminn af íslenskum gæðingum og knöpum en einkunnir voru afburða háar og oft mjótt á munum milli efstu sæta. A-flokk gæðinga sigruðu þeir Kolskeggur frá Kjarnholtum og Sigurður Sigurðarson með einkunnina 9,01 en Borgfirðingurinn Flosi Ólafsson og Forkur frá Breiðabólsstað höfnuðu í 5. sæti með 8,90 í einkunn. B-flokk gæðinga sigraði Ljósvaki frá Valstrýtu með 9,21 í einkunn.\r\n\r\nTvær töltgreinar voru á dagskrá landsmótsins í ár. Keppt var í T1 og T2 en slaktaumatölt var í fyrsta skipti keppnisgrein á landsmóti. Hefðbundna töltið T1 sigraði Árni Björn Pálsson á Ljúf frá Torfunesi með 9,17 en slaktaumatöltið T2 sigraði Hinrik Bragason á Kveik frá Hrísdal. Jakob Svavar Sigurðsson keppti fyrir Dreyra og náði 5. sæti í T2. Jakob hafnaði svo t.d. í 2. sæti í B-flokki, 4.-5. sæti í skeiðgreinum ásamt því að sýna fjölda hrossa í kynbótadómi. Þorgeir Ólafsson var einnig vel sýnilegur á mótinu en hann keppti fyrir Borgfirðing t.d. í skeiðgreinum og fimmgangi þar sem hann hafnaði í 6. sæti. Kynbótadómar skiluðu svo sögulegum árangri en Sindri frá Hjarðartúni dæmdist í kynbótadómi með hæstu hæfileikaeinkunn sem gefin hefur verið, eða 9,38 og er með aðaleinkunn 8,99. Sindra sýndi Hans Þór Hilmarsson.\r\n\r\n<strong>Vestlensk hestamennska í góðum höndum</strong>\r\n\r\nTíu ræktunarbú sýndu það besta úr sinni ræktun en tvö bú voru frá Vesturlandi; Hrísdalur og Berg á Snæfellsnesi. Borgfirðingurinn Kristín Eir Hauksdóttir Holaker sigraði í barnaflokki með afburðum á stóðhestinum Þyt frá Skáney. Þytur er 17 vetra gamall en móðir Kristínar, Randi Holaker, hefur um árabil keppt á Þyt með góðum árangri í hinum ýmsu greinum í gæðinga- og íþróttakeppnum. Í barnaflokki keppti einnig Snæfellingurinn Haukur Orri Bergmann á Hnokka frá Reykhólum en þeir höfnuðu í 4. sæti með einkunnina 8,75. Óhætt er að fullyrða að framtíð vestlenskrar hestamensku er í góðum höndum ræktenda og knapa.\r\n\r\nÖll úrslit af mótinu má m.a. finna á hestafrettir.is og á appinu LH Kappi.",
  "innerBlocks": []
}