{
  "name": "core/freeform",
  "attributes": [],
  "saveContent": "Björn Bjarki Þorsteinsson verður næsti sveitarstjóri í Dalabyggð, en skrifað var undir samning við hann fyrr í dag. Bjarki hefur starfað sem framkvæmdastjóri Brákarhlíðar, hjúkrunar- og dvalarheimilis í Borgarnesi, síðastliðin 15 ár. Hann hefur m.a. setið í stjórn Samtaka fyrirtækja í velferðarþjónustu síðastliðin 10 ár, lengst af sem varaformaður og síðar formaður þar til í apríl síðastliðinn. Bjarki hefur áralanga reynslu af sveitarstjórnarstörfum en hann sat í sveitarstjórn Borgarbyggðar frá 2002-2018, þar af sem forseti sveitarstjórnar í tvö kjörtímabil. Einnig hefur hann gegnt formennsku m.a. í byggðarráði og fræðslunefnd.\r\n\r\nBjörn Bjarki hefur setið í fjölda stjórna, ráða og nefnda og má þar nefna stjórn Orkuveitu Reykjavíkur, Háskólans á Bifröst, SSV og er nú formaður stjórnar Símenntunarmiðstöðvar Vesturlands. Hann hefur jafnframt verið virkur þátttakandi í íþrótta- og æskulýðsmálum og gegndi m.a. formennsku í körfuknattleiksdeild Skallagríms um árabil. Hann var annar af upphafsmönnum Sauðamessu á sínum tíma og einn stofnanda Ferðafélags Borgarfjarðarhéraðs. Á árum áður starfaði Bjarki sem sölu- og markaðsstjóri hjá Borgarnes kjötvörum og við verslunar- og innkaupastjórnun hjá Kaupfélagi Borgfirðinga, 11-11/Kaupás og Kaupfélagi Steingrímsfjarðar á Hólmavík.\r\n\r\nBjarki lauk MBA námi frá Háskóla Íslands í júní síðastliðnum. Hann er giftur Guðrúnu Ólafsdóttur, sem starfar á Bifröst, og eiga þau fjögur uppkomin börn. Reiknað er með að Bjarki muni koma til starfa í ágúst nk.\r\n\r\nSveitarstjórn Dalabyggðar bauð Björn Bjarka velkominn til starfa við undirritun samnings fyrr í dag.\r\n\r\n<strong>Umsækjendur voru þrettán</strong>\r\n\r\nAlls bárust 13 umsóknir um starfið en tveir umsækjendur drógu nafn sitt til baka. Aðrir umsækjendur voru:\r\n<ul>\r\n \t<li>Ari Jóhann Sigurðsson, sérkennari</li>\r\n \t<li>Barbara K. Kristjánsdóttir, mannauðs- og gæðastjóri</li>\r\n \t<li>Glúmur Baldvinsson, sjálfstætt starfandi</li>\r\n \t<li>Gunnsteinn Björnsson, sjálfstætt starfandi</li>\r\n \t<li>Hróðmar Dofri Hermannsson, framkvæmdastjóri</li>\r\n \t<li>Ingvi Már Guðnason, verkstjóri</li>\r\n \t<li>Jón Eggert Guðmundsson, yfirmaður kerfismála</li>\r\n \t<li>Konráð Gylfason, framkvæmdastjóri</li>\r\n \t<li>Sigurður Sigurðarson, sjálfstætt starfandi</li>\r\n \t<li>Viggó E. Viðarsson, flokksstjóri</li>\r\n \t<li>Örn Haukur Magnússon, framkvæmdastjóri.</li>\r\n</ul>",
  "innerBlocks": []
}