{
  "name": "core/freeform",
  "attributes": [],
  "saveContent": "Í maí og júní síðastliðnum lagði Samgöngufélagið, í samstarfi við Envalis, fyrir viðamikla vefkönnun þar sem spurt var um afstöðu fólks til færslu Hringvegar þar sem gert er ráð fyrir þverun Grunnafjarðar og uppbyggingu nýs vegar um Melasveit í Hvalfjarðarsveit. Könnunin var öllum opin og gat hver sem er dreift henni og hvatt til þátttöku. Könnunin er framkvæmd í tengslum við auglýsingu Aðalskipulags Hvalfjarðarsveitar 2020 – 2032. Tilgangur Samgöngufélagsins er að stuðla að sem mestum framförum í samgöngum á og við Ísland.\r\n\r\nNiðurstöður könnunarinnar liggja nú fyrir, en hún byggir á gögnum frá 1.127 þátttakendum. Helstu niðurstöður sýna að þátttakendur voru fremur hlynntir færslu Hringvegar milli Hvalfjarðarganga og Borgarness vestur fyrir Akrafjall, yfir Grunnafjörð og um Melasveit. Íbúar á Akranesi voru hlynntastir færslu Hringvegarins og þeim líkaði betur en íbúum annars staðar við þá tillögu sem lögð var fram í könnuninni. Leiðin milli Akraness og Borgarness myndi styttist um 7 km ef Grunnifjörður yrði brúaður, færi úr 37 km í 30, og er talin verða arðsamari en núverandi leið. Þá mun leiðin um Hringveg styttast um 1 km. Ekki kom fram munur í afstöðu þátttakenda til færslu Hringvegar eða framlagðrar tillögu eftir kynjum eða aldri.\r\n\r\n<em><strong>Hér má sjá niðurstöðu könnunarinnar og úrvinnslu hennar í heild:</strong></em>\r\n\r\n<a class=\"link-to-pdf\" title=\"Könnun um færslu hringvegar í Hvalfjarðarsveit\" href=\"https://skessuhorn.is/wp-content/uploads/2022/07/Konnun-um-faerslu-hringvegar-i-Hvalfjardarsveit.pdf\" target=\"_blank\" rel=\"attachment noopener wp-att-54758\"><img class=\"alignnone size-medium wp-image-54759\" src=\"https://skessuhorn.is/wp-content/uploads/2022/07/Konnun-um-faerslu-hringvegar-i-Hvalfjardarsveit-pdf-600x338.jpg\" alt=\"thumbnail of Könnun um færslu hringvegar í Hvalfjarðarsveit\" width=\"300\" height=\"169\" /></a>",
  "innerBlocks": []
}