Rúturnar bíða átekta á meðan farþegarnir eru ferjaðir í land. Ljósm. tfk

Stærsta skemmtiferðaskip sumarsins er nú í Grundarfirði

Skemmtiferðaskipið Sky Princess skreið inn lygnan Grundarfjörðinn í morgun en framundan var dagsdvöl á Snæfellsnesi fyrir þá þrjúþúsund og fimmhundruð farþega sem voru um borð. Ferðalangarnir fengu frábærar aðstæður því logn og milt veður lék við þá. Einhverjir fóru í rútuferðir í kringum Snæfellsnes, aðrir í rútuferðir að Kirkjufellsfossi, fuglaskoðun með Láka Tours, Kayakferðir með Vestur Adventures og svo voru margir sem nutu blíðunnar í Grundarfirði og fóru í gönguferðir í næsta nágrenni.

Sky Princess er stærsta skemmtiferðaskipið sem hefur viðkomu í Grundarfirði þetta sumarið en skipið er 145.281 br.tonn og 330 metrar að lengd. Skipið getur tekið 3.660 farþega og er með 1.346 manns í áhöfn.

Líkar þetta

Fleiri fréttir