Brekkusöngurinn sem fyrr fjölmennasta samkoma ársins

Áætlað er að um fimm þúsund gestir hafi mætt á Brekkusöng Írskra daga á Akranesi í gærkvöldi. Það var þétt setið í brekkunni við Þyrlupallinn og raunar náði gestaskarinn einnig yfir á svæðið ofan við knattspyrnuvöllinn. Aldrei hafa fleiri mætt á þennan viðburð. Það var Magnús Kjartan Eyjólfsson sem söng og stýrði fjöldasöngnum, en hann verður einnig í sama hlutverki á Brekkusöng á Þjóðhátíð í Eyjum um Verslunarmannahelgina.

Veðrið var prýðilegt í gærkvöldi og gestir á öllum aldri virtust sáttir við lífið og tilveruna. Eftir Brekkusöng gengu margir niður á hafnarsvæðið þar sem hin árlega Lopapeysa hófst í kjölfarið í Sementsskemmunni og þremur tjöldum við hana.

Líkar þetta

Fleiri fréttir