{
  "name": "core/freeform",
  "attributes": [],
  "saveContent": "Á miðvikudaginn veittu Lilja Dögg Alfreðsdóttir ferðamálaráherra og Guðlaugur Þór Þórðarson umhverfisráðherra þjóðgarðinum á Þingvöllum viðurkenningu sem fyrstu Varðan á Íslandi. Ráðherrarnir afhjúpuðu heiðursmerki Vörðu og fengu kynningu á Búðarslóð, nýrri afþreyingar- og fræðsluleið á Þingvöllum. Varðan er skilgreind þannig að umsjónaraðili áfangastaðar ferðamanna skuldbindur sig til að vera til fyrirmyndar við stjórnun og umsjón hans og að við áframhaldandi þróun sé sífellt unnið að sjálfbærni á öllum sviðum. Ráðherrarnir kynntu einnig að um næstu áramót geti staðir, óháð eignarhaldi eða umsjón, sótt um að fara í ferli til þess að verða Vörður og hljóta slíka viðurkenningu.\r\n\r\n<strong>Hvað er Varða?</strong>\r\n<ul>\r\n \t<li>Vörður eru merkisstaðir á Íslandi sem teljast einstakir á lands- og/eða heimsvísu. Meginaðdráttarafl þeirra eru náttúrufyrirbæri og/eða menningarsögulegar minjar sem mynda sérstætt landslag eða landslagsheildir. www.varda.is</li>\r\n \t<li>Áfangastaðirnir eru vel þekktir, hluti af ímynd landsins, fjölsóttir og hægt að heimsækja þá allt árið um kring.</li>\r\n \t<li>Heitið byggir á þeim fjölmörgu vörðum sem finnast í íslenskri náttúru. Vörður geyma sögu og arfleifð. Þær eru hlaðnar úr staðarefni, tengjast umhverfinu, vísa veginn í átt að áfangastað og mynda leiðakerfi.</li>\r\n \t<li>Til að fá afnot af vörumerkinu Vörðu þurfa umsjónaraðilar staðar að sýna fram á langtímaskuldbindingu til þess að framfylgja skilgreindum viðmiðum við stjórnun og skipulagningu hvað varðar m.a. aðgengi, gagnasöfnun, fræðslu, umhverfisvernd, sjálfbærni, yfirbragð og öryggi.</li>\r\n \t<li>Sem stendur eru þrír afar fjölsóttir en ólíkir staðir í svokölluðu prufuferli Vörðu auk Þingvalla sem hefur nú lokið því ferli. Það eru Gullfoss, Geysir og Jökulsárlón, sem eru einnig staðir í umsjón ríkisaðila. Þetta eru einna fjölsóttustu ferðamannastaðir landsins, en þeir eru misjafnlega staddir hvað þróun varðar en eiga það sameiginlegt að vera áfangastaðir í eigu ríkisins.</li>\r\n \t<li>Stefnt er að því að opna á að fleiri staðir, óháð eignarhaldi eða umsjón, geti komið í ferli frá næstu áramótum.</li>\r\n</ul>",
  "innerBlocks": []
}