{
  "name": "core/freeform",
  "attributes": [],
  "saveContent": "Ísbjörninn og Skallagrímur mættust í A riðli 4. deildar karla í knattspyrnu í gærkvöldi og fór leikurinn fram í Kórnum í Kópavogi. Eina mark leiksins kom sex mínútum fyrir leikslok þegar Elís Dofri Gylfason tryggði sigur Skallagríms og kom þeim í annað sæti riðilsins. Þrjú lið virðast eins og sakir standa berjast um þessi tvö sæti sem gefa sæti í úrslitakeppninni en ásamt Skallagrími eru það Hvíti riddarinn og Árbær. Þar sem KSÍ samþykkti að fjölga um eina deild sem tekur gildi á næsta ári ná þessi tvö lið sem verða í fyrstu tveimur sætunum þegar mótinu lýkur einnig að halda sér í fjórðu deildinni.\r\n\r\nNæsti leikur Skallagríms í riðlinum er gegn Herði frá Ísafirði næsta þriðjudag á Skallagrímsvelli og hefst klukkan 19.",
  "innerBlocks": []
}