medium

large

thumbnail

small

custom-size

Hlutur ferðaþjónustu í landsframleiðslu aldrei verið meiri

1536x1536

Veiðihús við Andakílsá að taka á sig mynd

Gary Martin gengur til liðs við Víking Ólafsvík

2048x2048

Grásleppuveiðidögum fjölgað

Fjölmenningarþema í Heiðarskóla

Toska fríkar út á morgun

core/freeform

Meirihluti sveitarstjórnar í Borgarbyggð hefur ákveðið að ráða Stefán Brodda Guðjónsson í starf sveitarstjóra í Borgarbyggð og er áætlað að hann taki til starfa 1. júlí næstkomandi. Ráðningarsamningur tekur formlega gildi þegar hann hefur verið staðfestur á fundi sveitarstjórnar. Stefán Broddi, sem er með BA gráðu í stjórnmálafræði frá Háskóla Íslands, hefur síðastliðin tíu ár starfað hjá Arion banka, lengstum við greiningu á efnahagslífi, fjármálamörkuðum, fyrirtækjum og sveitarfélögum. Frá 2015 hefur hann stýrt greiningardeild bankans. Stefán Broddi er uppalinn í Borgarnesi, sonur Guðjóns Ingva Stefánssonar og Guðrúnar Broddadóttur. Þar bjó hann fram á þrítugsaldurinn. „Það reyndist mér afar gott veganesti út í lífið að alast upp í Borgarnesi. Ég er sveitarstjórn og íbúum afar þakklátur fyrir tækifærið og mun leggja mig allan fram um að standa mig. Tækifærin í Borgarbyggð eru óþrjótandi,“ segir hann.

Stefán Broddi hefur í rúma tvo áratugi starfað sem sérfræðingur og stjórnandi á íslenskum fjármálamarkaði en starfaði þar á undan m.a. við blaðamennsku og útvarp, ásamt því að hafa starfað á vettvangi Samtaka sveitarfélaga á Vesturlandi. Eiginkona hans er Þuríður Anna Guðnadóttir, hjúkrunarfræðingur og deildarstjóri á Landspítalanum, og eiga þau þrjá syni.

Stefán Broddi Guðjónsson ráðinn sveitarstjóri Borgarbyggðar