{
  "name": "core/freeform",
  "attributes": [],
  "saveContent": "Seint á síðasta ári hófust framkvæmdir við nýtt íþróttahús á Jaðarsbökkum á Akranesi en það verður stærsta framkvæmd Akraneskaupstaðar um árabil. Um er að ræða fjölnota íþróttahús og er það einn áfangi af mörgum í áframhaldandi uppbyggingu íþróttamannvirkja á svæðinu. Í þessum fyrsta áfanga verksins hefur Vélaleiga Halldórs Sigurðssonar séð um gröft fyrir mannvirkinu og breytingar á lögnum í jörðu ásamt því að girða af vinnusvæðið.\r\n\r\nÍ lok apríl var undirritaður samningur milli Akraneskaupstaðar og Flotgólfs ehf. um uppsteypu og ytri frágang íþróttahússins á Jaðarsbökkum. Verklok eru áætluð um mitt ár 2023. Jarðvinnu lýkur brátt og mun vinna við uppsteypu fara í gang á næstu vikum. Inannhússfrágangur verður boðinn út haustið 2023 og lóðafrágangur í kjölfarið. Heildarverklok eru ef allt fer eftir áætlun haustið 2024.",
  "innerBlocks": []
}