Ingvar Njáll, Anne og Sigrún Þórsteinsdóttir leikskólastjóri. Ljósm. stykkisholmur.is

Fengu búninga að gjöf

Leikskólinn í Stykkishólmi fékk nýverið að gjöf yfir 30 búninga af ýmsum stærðum að gjöf frá Anne Helenne sem rekur vefverslunina annelitla.is. Sonur hennar, Ingvar Njáll er nemandi á leikskólanum og nokkuð ljóst að þessir búningar verða mikið notaðir. Þetta kemur fram á heimasíðu bæjarins.

Í bréfi sem fylgdi gjöfinni frá Anne segir: „Það er öllum í okkar samfélagi mikils virði að eiga góðan og metnaðarfullan leikskóla í sínu bæjarfélagi. Það er talið mjög gott fyrir þroska hvers barns að geta brugðið sér í önnur hlutverk í leikjum sínum og þá er ekki síður gott að hafa búninga til að skella sér í. Netverslunin annelitla.is er að höndla með ýmiss konar búninga hér í Stykkishólmi og hefur það allt gengið mjög vel. Þess vegna kviknaði áhugi á því að styrkja leikskólann og gefa honum 32 búninga til notkunar í sínum mikilvægu þroskaleikjum sem börnin okkar fá notið þar og sér til gamans. Það veitir mér mikla ánægju að fá að gefa leikskólanum í Stykkishólmi þessa búninga og það er von mín að gjöfin komi sér vel.“

Líkar þetta

Fleiri fréttir