{
  "name": "core/freeform",
  "attributes": [],
  "saveContent": "Landsbankamót Íþróttabandalags Reykjanesbæjar (ÍRB) fór fram í Keflavík um liðna helgi og tóku þar þátt 29 einstaklingar á vegum Sundfélags Akraness. Tóku þar meðal annars þátt 8 ára sundmenn sem stungu sér til sunds í fyrsta skipti á móti. Einnig var keppt í flokkum 12 ára og yngri, 13 ára og eldri og 15-17 ára. Í piltaflokki 15-17 ára var slegið nýtt Akranesmet en það var Einar Margeir Ágústsson sem synti 50 metra flugsund á 27,12 sekúndum. Fyrra met átti Ágúst Júlíusson á 27,25 sekúndum frá árinu 2006. Gekk mótið heilt yfir vel hjá ungu sundfólki Akraneskaupstaðar.",
  "innerBlocks": []
}