{
  "name": "core/freeform",
  "attributes": [],
  "saveContent": "ÍA fékk Sindra í heimsókn í 2. umferð Mjólkurbikars kvenna í knattspyrnu á laugardaginn og fór leikurinn fram í blíðskaparveðri á Akranesvelli. Ylfa Laxdal Unnarsdóttir kom heimakonum yfir á tíundu mínútu og þannig var staðan í hálfleik. Unnur Ýr Haraldsdóttir kom síðan ÍA í góða stöðu strax í byrjun seinni hálfleiks og það var ekki fyrr en undir lok leiksins sem gestirnir minnkuðu muninn með marki frá Samiru Suleman, lokatölur leiksins 2-1 fyrir ÍA og þær því komnar í 16-liða úrslit Mjólkurbikarsins. Þau verða spiluð síðustu helgina í maí en dregið verður í hádeginu á morgun í höfuðstöðvum KSÍ.\r\n\r\nNæsti leikur ÍA er úrslitaleikur í C deild Lengjubikarsins gegn Völsungi. Hann verður næsta fimmtudag á Sauðárkróksvelli og hefst klukkan 19.",
  "innerBlocks": []
}