Bragi Þór Svavarsson og Ásmundur Einar Daðason. Ljósm. MB.

Stutt við STEAM verkefnið í Menntaskóla Borgarfjarðar

Fyrr í dag skrifuðu Ásmundur Einar Daðason mennta- og barnamálaráðherra og Bragi Þór Svavarsson skólameistari undir formlega yfirlýsingu um stuðning ráðuneytisins við skólaþróunarverkefni Menntaskóla Borgarfjarðar. Skólinn vinnur nú að skólaþróunarverkefninu „Menntun fyrir störf framtíðar“ og er hluti af því verkefni að innleiða STEAM nám og kennslu við skólann. STEAM samanstendur af vísindum, tækni, verkfræði, listsköpun og stærðfræði. Ákveðið hefur verið að STEAM áfangar verði skylduáfangar á öllum brautum til stúdentsprófs við MB.

„Við þróun STEAM áfanga, námsefnis og kennsluaðferða hefur verið settur á laggirnar samstarfsvettvangur um innleiðingu námsins og kennslu á framhaldsskólastigi. Allir háskólar landsins taka þátt í þeim vettvangi ásamt MB og öðrum sérfræðingum í menntamálum. Nýsköpun og rannsóknir eru mikilvægar í skóla þróun og stefnt er að því að nemendur, kennarar og rannsakendur beggja skólastiga verði þátttakendur í þróun og innleiðingu til næstu ára,“ segir í frétt skólans.

Nánar verður sagt frá STEAM verkefninu í næsta Skessuhorni.

Líkar þetta

Fleiri fréttir