medium

large

thumbnail

1536x1536

2048x2048

small

custom-size

„Að vera á sjó var eins og hver önnur vinna“

Mikilvæg lífæð fyrir fólkið hér á svæðinu

Íbúafundur Miðbæjarsamtakanna í Tónbergi á mánudaginn

Viðunandi útkoma Dalabyggðar á síðasta ári

Óbyggðanefnd framlengir frest vegna eyja og skerja

Fjölbrautaskóli Snæfellinga 20 ára

core/freeform

Í ársbyrjun var ákveðið að rýna og endurskoða starfsemi Safnahúss Borgarfjarðar. Sveitarfélagið gerði samning við fyrirtækið Strategíu, sem fékk það verkefni að móta tillögur að framtíðarfyrirkomulagi fyrir Safnahús Borgarfjarðar til næstu ára og nauðsynlegar aðgerðir til að ná fram meginmarkmiðum. Skýrslan er nú komin út samkvæmt frétt á þjónustusíðu Borgarbyggðar.

Fyrsti áfangi verkefnisins var greiningarvinna þar sem Safnhús Borgarfjarðar var greint með því að rýna fyrirliggjandi gögn, þ.e. stefnur, greiningar og skýrslur. Framkvæmd var SVÓT-greining með starfsfólki sveitarfélagsins og byggðarráði og íbúakönnun lögð fyrir á heimasíðu sveitarfélagsins, en um 380 svör bárust. Skýrsluna má lesa í heild sinni á borgarbyggd.is en í megindráttum er lagt til að breyta hlutverki Safnahúss Borgarfjarðar. Tillögur að aðgerðum voru meðal annars að móta sýn, áherslur og aðgerðir fyrir hvert safn, að innleiða stafræna tækni héraðsskjalasafns og auka eftirlit með skilaskyldum aðilum, nútímavæðing bókasafnsins, endurskoðun nýtingar núverandi húsnæðis Safnahúss við Bjarnarbraut og varðveislurýmis og kanna grundvöll fyrir því að náttúrugripasafn verði hluti af Landbúnaðarsafni Íslands á Hvanneyri.

Fyrsta aðgerðin, sem búið er að samþykkja í byggðarráði, er að auglýsa stöðu forstöðumanns menningarmála. Byggðarráð bindir vonir við að þær breytingar sem gerðar verða á forstöðu menningarmála með þessum hætti muni hafa jákvæð áhrif á menningarlega upplifun í sveitarfélaginu í samræmi við efni skýrslu um framtíðarfyrirkomulag Safnahúss Borgarfjarðar.

Skýrsla um framtíðarfyrirkomulag Safnahúss Borgarfjarðar