Leiðtogaumræður í beinni frá Borgarbyggð í kvöld

Í kvöld, miðvikudaginn 11. maí, fara fram leiðtogaumræður í Borgarbyggð í beinni útsendingu frá blikksmiðju Límtrés Vírnets í Borgarnesi. Það er Kvikmyndafjelag Borgarfjarðar sem skipuleggur viðburðinn og sendir út á kvikborg.is, en sömuleiðis hér á skessuhorn.is Í Borgarbyggð eru fjórir framboðslistar og sendir hver þeirra tvo fulltrúa. Þetta eru Framsóknarflokkur, Sjálfstæðisflokkur, sameiginlegt framboð Samfylkingar og Viðreisnar auk Vinstri hreyfingarinnar græns framboðs. Spyrlar verða gömlu fréttahaukarnir; Gísli Einarsson og Magnús Magnússon. Þátturinn hefst stundvíslega klukkan 20 og er áætlað að umræðurnar taki hálfa aðra til tvær klukkustundir. Í þættinum eru einnig íbúar á förnum vegi spurðir um hvað kosningarnar snúist um að þeirra mati.

Hér er slóðin inn á útsendinguna

Líkar þetta

Fleiri fréttir