{
  "name": "core/freeform",
  "attributes": [],
  "saveContent": "Stykkishólmsbær hlaut í síðustu viku 15,8 milljóna króna styrk úr Framkvæmdasjóði Ferðamannastaða. Styrkurinn fer til að fjármagna áframhaldandi uppbyggingu í Súgandisey í samræmi við vinningstillögu hönnunarsamkeppni um Fjöreggið. Um er að ræða uppsetningu á handriði og minniháttar jarðvegsframkvæmdir austanmegin á eyjunni sem gefa gestum eyjarinnar kost á því að skoða Stöngina, bergdrangana sem standa austan við eyjuna. Í sömu atrennu var sótt um styrk fyrir handriðum norðan- og sunnanmegin á eyjunni skv. deiliskipulagi. Er þessi framkvæmd liður í því að dreifa álagi á eyjunni þegar margir sækja hana á sama tíma og um leið tryggja öryggi gesta.\r\n\r\n„Mjög verðugt innviðaverkefni, sem byggir á heilstæðri stefnumörkun í kjölfar samkeppni. Verkefnið stuðlar að auknu öryggi ferðamanna og bættri umgengni á viðkvæmu svæði,“ segir í umsögn stjórnar FF.",
  "innerBlocks": []
}