{
  "name": "core/freeform",
  "attributes": [],
  "saveContent": "<strong>Litið aftur tæpa öld og barnæska Þorsteins frá Húsafelli rifjuð upp</strong>\r\n\r\nÞorsteinn Þorsteinsson lauk stúdentsprófi árið 1950 og magistersprófi í lífefnafræði frá Hafnarháskóla árið 1956. Í síðustu viku átti hann 76 ára útskriftarafmæli frá Bændaskólanum á Hvanneyri, nú Landbúnaðarháskóla Íslands. Blaðamaður Skessuhorns heimsótti hann og Eddu Emilsdóttur konu hans á fallegu heimili þeirra í Reykjavík. Þau hafa verið gift í 67 ár og eiga fjögur uppkomin börn; Ingibjörgu, Björn, Þorstein og Margréti.\r\n\r\nErindið var að spyrja Þorstein um æsku hans á Húsafelli í Hálsasveit, þar sem hann fæddist 1. apríl árið 1925, þriðji í röð fjögurra barna Ingibjargar Kristleifsdóttur og Þorsteins Þorsteinssonar. Í samtalinu rifjast upp minningar um fjölskylduna, en einnig vinnufólkið sem tengdist henni sterkum böndum gegnum áratuga trúfasta þjónustu. Við byrjum á að ræða jólin. „Það er mjög sterk endurminning; fyrstu jólin sem ég man eftir,“ segir Þorsteinn. „Þá var útvarpið ekki komið. Hátíðin byrjaði þegar allir söfnuðust saman og Jakob Guðmundsson vinnumaður las húslestur. Gamlar endurminningar eru oft svolítið takmarkaðar, en maður man sterkar myndir eins og þessa,“ segir hann hugsi.\r\n\r\n<em>Sjá ítarlegt viðtal við Þorstein frá Húsafelli í Skessuhorni sem kom út í dag.</em>",
  "innerBlocks": []
}