{
  "name": "core/freeform",
  "attributes": [],
  "saveContent": "Fyrsta umferð Lengjubikarsins í knattspyrnu karla hefst um næstu helgi og þar mæta til leiks lið af Vesturlandi. Kári frá Akranesi ríður á vaðið á laugardaginn þegar liðið tekur á móti Árborg í Akraneshöllinni klukkan 12. Víkingur Ólafsvík mætir Berserkjum/Mídasi á Víkingsvelli í Fossvoginum sama dag og hefst sá leikur klukkan 14. Sigurvegarar úr þessum leikjum mætast síðan í 2. umferðinni og því gætu Kári og Víkingur Ólafsvík mæst í Vesturlandsslag laugardaginn 23. apríl.\r\n\r\nÁ sunnudaginn mætast síðan í Vesturlandsslag lið Reynis Hellissands og Skallagríms úr Borgarnesi á Ólafsvíkurvelli og hefst viðureignin klukkan 14. Sigurvegarinn úr þessum leik mætir í 2. umferðinni annað hvort liði Þróttar úr Vogum eða ÍR úr Breiðholti á heimavelli föstudaginn 22. apríl.",
  "innerBlocks": []
}