{
  "name": "core/freeform",
  "attributes": [],
  "saveContent": "Rannsóknarskipið Árni Friðriksson HF 200 kom til hafnar í Grundarfirði miðvikudaginn 22. mars síðastliðinn. Marsrallið var þá í fullum gangi og þurfti skipið að koma til löndunar þar sem mikið af karfa hafði komið í veiðarfærin, en alla jafna þarf ekki mikinn afla til að fylla geymslur skipsins. Skipið hafði verið að toga vestan- og norðvestan við landið en alls eru fjögur skip í togararallinu hringinn í kringum landið. Auk Árna Friðrikssonar voru skipin Bjarni Sæmundsson, Breki VE og Gullver NS að veiðum. Togað var á tæplega 600 stöðvum á 20-500 metra dýpi umhverfis landið segir á vef Hafrannsóknastofnunnar.",
  "innerBlocks": []
}