{
  "name": "core/freeform",
  "attributes": [],
  "saveContent": "Guðlaugur Þór Þórðarson, umhverfis-, orku- og loftslagsráðherra, gerði fyrr í vikunni grein fyrir úthlutun fjármuna til uppbyggingu innviða og náttúruverndar á ferðamannastöðum. Gert er ráð fyrir um 2,8 milljarða króna framlagi til næstu þriggja ára. Í ár verður úthlutað rúmlega 914 milljónum króna úr Landsáætlun um uppbyggingu innviða sem gerir kleift að halda áfram því verkefni að byggja upp efnislega innviði á ferðamannastöðum, svo sem göngustíga, útsýnispalla, bílastæði og salerni. Aukin áhersla er á langtímaáætlanir í uppbyggingu staða en einnig á aukna miðlun og merkingar, ekki síst á stöðum þar sem samspil er á milli náttúru og menningarsögulegra minja.\r\n\r\n<strong>65 nýir staðir</strong>\r\n\r\nLandsáætlun um uppbyggingu innviða til verndar náttúru og menningarsögulegum minjum er stefnumarkandi áætlun sem Alþingi samþykkti 2018. Verkefnaáætlanir eru gerðar til þriggja ára og eru uppfærðar á hverju ári. Ný verkefnaáætlun sem ráðherra kynnti nær til áranna 2022-2024. Alls er nú 151 verkefni á áætlun næstu þriggja ára á rúmlega 90 ferðamannastöðum, þar af 65 ný verkefni sem bætast við að þessu sinni. Meðal stórra verkefna má nefna uppbyggingu á Geysissvæðinu, byggingu útsýnispalls og göngustíga í Ásbyrgi, yfirbyggingu minja þjóðveldisbæjarins á Stöng í Þjórsárdal, skála með góðri heilsárs salernisaðstöðu í Vaglaskógi, vandaða göngustíga við Búrfellsgjá, áframhaldandi umbætur á aðgengi ofan við Gullfoss með steyptum stígum og frekari skref til bættrar aðstöðu við Jökulsárlón.\r\n\r\n<strong>Tæp 5% á Vesturland</strong>\r\n\r\nÍ landsáætlun um uppbyggingu innviða frá 2022-2024 eru þrettán verkefni á Vesturlandi sem hljóta styrki, alls að upphæð 136,6 milljónir króna, en það jafngildir 4,86% af því fé sem ráðstafað verður næstu þrjú árin á landinu öllu. Þessi svæði á Vesturlandi eru öll á forræði Umhverfisstofnunar, Þjóðgarðsins Snæfellsjökuls og Minjaverndar.\r\n\r\n<em>Þetta eru:</em>\r\n\r\n<strong>Arnarstapi / Hellnar.</strong> Deiliskipulag; endurbætur á göngustíg að Músagjá. 8.000.000 kr\r\n\r\n<strong>Búðir – friðland.</strong> Aðkomusvæði við Sjávargötu og Klettsgötu. 5.684.000 kr.\r\n\r\n<strong>Eldborg í Hnappadal.</strong> Bílastæði fyrir gesti sem fara á Eldborg; göngubrú frá bílastæði að göngustíg; skilti við upphaf gönguleiðar. 22.800.000 kr.\r\n\r\n<strong>Grábrók.</strong> Malbikun bílastæðis. 3.500.000 kr.\r\n\r\n<strong>Ólafsdalur í Gilsfirði.</strong> Minjavernd hf. Göngustígar og önnur uppbygging fyrir ferðamenn á svæðinu 46.076.000 kr.\r\n\r\n<strong>Surtshellir</strong> (Vígishellir, afhellir) Minjastofnun Íslands. Tvö skilti um menningarminjar við bílastæði. 1.640.000 kr.\r\n\r\n<strong>Þjóðgarðurinn Snæfellsjökull.</strong> Frumgreining á uppbyggðum hjóla- og göngustíg. 2.005.000 kr.\r\n\r\n<strong>ÞS / Gufuskálavör - Gufuskálar</strong> Endurgerð og varðveisla minja um sjósókn; fræðsluskilti. 4.804.843 kr.\r\n\r\n<strong>ÞS / Malarrif.</strong> Viðburða- og áningarpallur við gestastofu. 6.507.500 kr.\r\n\r\n<strong>ÞS / Skarðsvík.</strong> Fræðsluskilti. 1.688.000 kr.\r\n\r\n<strong>ÞS / Öndverðarnes.</strong> Bílastæði; minjaheildarsvæði í samráði við Minjastofnun Vesturland. 19.154.200 kr.\r\n\r\n<strong>ÞS Jökulháls.</strong> Skilti og merkingar. 2.260.000 kr.\r\n\r\n<strong>ÞS Svalþúfa.</strong> Stækkun og úrbætur á bílastæði; göngustígar, tengingar og landmótun. 12.560.000 kr.",
  "innerBlocks": []
}