{
  "name": "core/freeform",
  "attributes": [],
  "saveContent": "Heimilin í landinu telja gæði eigin lífskjara í, eða nálægt, sögulegu hámarki. Þetta sýna niðurstöður lífskjararannsóknar Hagstofunnar fyrir árin 2019-2021. Hlutfall heimila sem eiga erfitt með að láta enda ná saman hefur aldrei verið lægra og aldrei hafa færri talið byrði húsnæðiskostnaðar þungan. Hlutfall heimila sem segjast búa við efnislegan skort er nálægt sögulegu lágmarki og aldrei hafa færri heimili sagst eiga í erfiðleikum með að mæta óvæntum útgjöldum. „Þetta rímar við hagtölur sem sýna að heimilin koma sterk út úr heimsfaraldrinum á flesta mælikvarða. Til að mynda eru vanskil heimila í sögulegu lágmarki en aðeins 0,9% þeirra eru í vanskilum.“ Þetta er meðal þess sem fram kemur í ítarlegri tilkynningu frá fjármálaráðuneytinu. Þá kemur fram að kaupmáttur ráðstöfunartekna hélt áfram að aukast á síðasta ári þrátt fyrir vaxandi verðbólgu en hann jókst um 1,1% á mann árið 2021, en vöxturinn var 2,2% árið 2020.\r\n\r\n<strong>Einstæðir foreldrar ná ekki endum saman</strong>\r\n\r\n75% heimila telja sig ekki eiga erfitt með að ná endum saman og aldrei hafa færri heimili sagst hafa átt erfitt með að láta enda ná saman. Fólk telur einnig byrði af húsnæðiskostnaði vera lægri en áður. Rúm 70% heimila með börn eiga ekki í erfiðleikum með að láta enda ná saman og hið sama gildir um tæp 80% heimila án barna. Þegar kemur að einstæðum foreldrum er staðan ekki jafn góð, en ríflega helmingur þeirra segist eiga erfitt með að ná endum saman.\r\n\r\n<strong>Erfiðara að búa í leiguhúsnæði</strong>\r\n\r\nUm 22% heimila bjuggu í leiguhúsnæði árið 2021 og hefur hlutfallið ekki verið lægra síðan 2009. Hlutfall heimila í vanskilum hefur heldur aldrei verið lægra en árið 2021 þegar vanskilahlutfall þeirra var 0,9% í lok ársins. Fjárhagsleg byrði heimila á leigumarkaði er þyngri en þeirra sem búa í eigin húsnæði. Þannig telja 19% heimila á leigumarkaði byrði húsnæðiskostnaðar þunga. Hlutfallið hefur verið stöðugt undanfarin ár. Sambærilegt hlutfall fyrir heimili í eigin húsnæði er 10% og hefur þeim fækkað stöðugt frá því mælingar hófust.\r\n\r\nFáir sem búa í eigin húsnæði telja sig skorta efnisleg gæði, eða 2,5%. Tæp 11% leigjenda töldu sig búa við efnislegan skort en 2,5% þeirra við verulegan efnislegan skort. Hvoru tveggja er lágt í sögulegu samhengi, sem rímar vel við þá staðreynd að aldrei hafa færri heimili átt í vandræðum með að mæta óvæntum útgjöldum.",
  "innerBlocks": []
}