{
  "name": "core/freeform",
  "attributes": [],
  "saveContent": "Mottumars, árlegt árvekni- og fjáröflunarátak Krabbameinsfélagsins tileinkað baráttunni gegn krabbameinum hjá körlum hófst í dag, 1. mars. Í Mottumars er tekið höndum saman í vitundarvakningu um krabbamein hjá körlum og öflum fjár fyrir mikilvægri starfsemi Krabbameinsfélagsins. Í ár eru karlmenn minntir sérstaklega á að kynna sér hvaða einkenni geta bent til krabbameins og þeir hvattir til að leita fljótt til læknis verði þeir varir við þau einkenni. „Krabbameinsfélagið hefur að markmiði að fækka þeim sem greinast með krabbamein, lækka dánartíðni þeirra sem greinast og bæta lífsgæði þeirra sem greinast með krabbamein og fjölskyldna þeirra. Starfsemi félagsins byggir alfarið á styrkjum einstaklinga og fyrirtækja og með kaupum á Mottumarssokkum tekur þú þátt í að fjármagna krabbameinsrannsóknir, ráðgjöf og stuðning, fræðslu og forvarnir,“ segir í tilkynningu.",
  "innerBlocks": []
}