{
  "name": "core/freeform",
  "attributes": [],
  "saveContent": "Enn ein lægðin gengur nú yfir vestanvert landið og er gul viðvörun nú í gildi við Faxaflóa og appelsínugul viðvörun við Breiðafjörð. Norðaustan 20-28 m/s og snarpar vindhviður eru við Breiðafjörð fram að hádegi í dag, hvassast norðantil á svæðinu. Þá má búast við snjókomu og skafrenningi með lélegu skyggni. Viðvörunarstigið færist niður í gula viðvörun klukkan 12 í dag en þá er spáð norðaustan 15-23 m/s á svæðinu með snjókomu eða skafrenningi og lélegu skyggni.\r\n\r\nVið Faxaflóa er gul viðvörun í gildi til klukkan 11 en þar er norðaustan 15-25 m/s með snörpum vindhviðum við fjöll og hvassast norðantil á svæðinu. Einnig er snjókoma á köflum og lélegt skyggni. Ekkert ferðaveður er í landshlutanum og búið er að loka fyrir umferð á nokkrum af helstu stofnvegum á þessu svæði. Vegurinn er lokaður um Kjalarnes, Hafnarfjall, Fróðárheiði og Holtavörðuheiði. Þá er einnig ófært á sunnanverðu Snæfellsnesi.\r\n\r\nHægt er að fylgjast með færð á vegum á vef <a href=\"https://www.vegagerdin.is/ferdaupplysingar/faerd-og-vedur/vesturland-faerd-kort/\">vegagerðarinnar. </a>",
  "innerBlocks": []
}