{
  "name": "core/freeform",
  "attributes": [],
  "saveContent": "Um 200 björgunarsveitarmenn sinna nú verkefnum víðsvegar á landinu vegna óveðurslægðar sem nú er komin inn á landið. Verkefnin hafa verið ýmiss konar, fokverkefni og aðstoð við að losa fasta bíla. Verkefnin eru rúmlega 70 það sem af er kvöldi, samkvæmt tilkynningu frá Landsbjörgu. Skessuhorni er kunnugt um að björgunarsveitir á Vesturlandi hafa verið kallaðar út. Í Reykholtsdal fór t.d. bíll útaf og koma þurfti ökumanni til aðstoðar þar sem hann óttaðist að bíllinn myndi velta. Á Akranesi fauk þakgluggi upp á húsi við Garðabraut og var Björgunarfélag Akraness kallað út af þeim sökum. Bálhvasst er nú á Vesturlandi og ekkert ferðaveður.",
  "innerBlocks": []
}