medium

large

thumbnail

1536x1536

2048x2048

small

custom-size

Ólafsvíkurvaka heppnaðist með ágætum – myndasyrpa

Lokadagur Fjórðungsmóts Vesturlands runninn upp

Mótorhjólaslys í Staðarsveit

Ástand Snæfellsnesvegar hefur aldrei verið verra

Hola!

Þúsund tonnum bætt við strandveiðikvótann

core/freeform

Á vinnufundi sveitarstjórnar Borgarbyggðar með starfsmönnum skipulags- og byggingardeildar nýlega komu fram áhugaverðar hugmyndir um staðsetningu nýrrar íbúðarbyggðar í Borgarnesi. Sömuleiðis var rætt hvernig best yrði staðið að framgangi hugmyndavinnu vegna slíks svæðis. Á fundi byggðarráðs í gær var málið tekið upp og sveitarstjóra falið að leita til Arkitektafélags Íslands og undirbúa samkeppni um heildarskipulagningu nýrrar íbúðabyggðar vestan Borgarvogs. Svæðið er nú óbyggt og er um margt spennandi byggingarland að ræða, liggur í aflíðandi halla á mót suðri, neðan við Borg og út með Borgarvogi.

„Tilgangur samkeppninnar væri að ná sem bestri lausn í skipulagningu mögulegrar íbúðabyggðar á hinu óbyggða svæði, til að gefa sem besta mynd af því hvernig hverfið gæti verið byggt upp, en gert er ráð fyrir leik- og grunnskóla á svæðinu ásamt fjölbreyttu íbúðarhúsnæði. Áætlað er að vinna við samkeppnina taki 6-7 mánuði og því er gert ráð fyrir að verkefninu ljúki eftir að ný sveitarstjórn hefur tekið við,“ segir í bókun byggðarráðs.

Landið vestan Borgarvogs er í eigu sveitarfélagsins og er ráðgert að um eða yfir hundrað hektarar lands yrðu teknir undir. Þórdís Sif Sigurðardóttir sveitarstjóri segir í samtali við Skessuhorn að á þessu svæði gæti risið byggð fyrir tvö til þrjú þúsund íbúa og því um að ræða tvöföldun íbúafjölda í Borgarnesi. Þórdís upplýsti jafnframt að verið væri að skoða tveggja þrepa feril í hönnunarsamkeppni í samstarfi við Arkitektafélag Íslands. Í fyrri áfanga yrði öllum sem uppfylltu skilyrði boðið að gera frumhönnun nýrrar íbúðabyggðar. Dómnefnd myndi síðan velja álitlegustu tillögurnar sem tækju þátt í síðari áfanga hönnunar nýs íbúðahverfis.

<strong>Friðlýsing Borgarvogs lögð á ís</strong>

Á fundi byggðarráðs var af þessum sökum tekið til formlegrar afgreiðslu erindi Umhverfisstofnunar vegna friðlýsingar Borgarvogs, en það mál hefur nú verið í vinnslu um þriggja ára skeið. Nú hefur hins vegar verið ákveðið að leggja þær hugmyndir á ís. Byggðarráð bókaði: „Ákveðið hefur verið að hefja þurfi skipulagsvinnu við fyrirhugaða íbúðabyggð [vestan, innsk. blm.] Borgarvogs. Fulltrúum byggðarráðs Borgarbyggðar finnst mikilvægt að tekið sé tillit til þeirra breytinga og óska eftir því að fá tíma til að ljúka þeirri vinnu áður en að lengra er haldið með tillögu friðlýsingar Borgarvogsins.“

Samþykkja hönnunarsamkeppni allt að þrjú þúsund manna íbúðabyggðar handan Borgarvogs