{
  "name": "core/freeform",
  "attributes": [],
  "saveContent": "Sigurður Ingi Jóhannsson innviðaráðherra hefur í samráði við Ásmund Einar Daðason, mennta- og barnamálaráðherra, undirritað reglugerð um framlög á vegum Jöfnunarsjóðs sveitarfélaga til að mæta kostnaði sveitarfélaga vegna samþættingar þjónustu í þágu farsældar barna á árinu 2022. Frá þessu segir á vef Stjórnarráðs Íslands. Ráðherra hefur einnig samþykkt tillögu ráðgjafarnefndar Jöfnunarsjóðs um áætluð framlög til sveitarfélaga, sem byggja á reglugerðinni. Skipting fjárframlaga byggir á niðurstöðu vinnuhóps um útreikning framlaga.\r\n\r\nNý lög um samþættingu þjónustu í þágu farsældar barna tóku gildi 1. janúar. Við gildistöku bætist við ákvæði til bráðabirgða við lög um tekjustofna sveitarfélaga. Í 1. og 2. mgr. ákvæðisins segir að við tekjur Jöfnunarsjóðs á árunum 2022–2024 bætist árlegt framlag úr ríkissjóði sem skuli ráðstafa með greiðslu framlaga til einstakra sveitarfélaga til að mæta kostnaði sveitarfélaga vegna samþættingar þjónustu í þágu farsældar barna. Samkvæmt fjárlögum fyrir árið 2022 nemur framlag til Jöfnunarsjóðs sveitarfélaga 1.100 m.kr. á árinu.\r\n\r\nAð loknum undirbúningi á vegum ráðuneyta og Sambands íslenskra sveitarfélaga var ákveðið að stofna vinnuhóp til að útfæra tillögu að skiptingu fjármagns til sveitarfélaga sem yrði grunnur að reglugerð um útreikning framlaga í samræmi við lög. Vinnuhópurinn var skipaður tveimur fulltrúum frá félagsmálaráðuneytinu, einum fulltrúa frá samgöngu- og sveitarstjórnarráðuneytinu og tveimur fulltrúum frá Sambandi íslenskra sveitarfélaga.\r\n\r\nSkipting fjárframlaga til sveitarfélaga tekur mið af eftirfarandi fjórum breytum sem hafa jafnt vægi: Fjöldi barna í hverju sveitarfélagi, fjöldi barna með stuðning í skólum, fjöldi barna á lágtekjuheimilum og fjöldi barna af erlendum uppruna. Nánar má lesa um forsendur framlagsins í skýringum við tillögu vinnuhópsins á vef Stjórnarráðs Íslands.",
  "innerBlocks": []
}