{
  "name": "core/freeform",
  "attributes": [],
  "saveContent": "Afturelding hefur fengið Skagamanninn Guðfinn Þór Leósson til liðs við sig fyrir komandi tímabil en Afturelding mun leika í 1. deild karla, Lengjudeildinni, í knattspyrnu í sumar eins og síðustu þrjú tímabil. Guðfinnur Þór er 22 ára miðjumaður, uppalinn hjá ÍA, en kemur til Aftureldingar frá Víkingi Ólafsvík þar sem hann spilaði 20 leiki og skoraði eitt mark í Lengjudeildinni síðasta sumar.\r\n\r\nGuðfinnur Þór lék með Knattspyrnufélaginu Kára frá Akranesi í 2. deild frá 2018 til 2020, lék 48 leiki og skoraði sjö mörk en í fyrra steig hann sín fyrstu skref í næstefstu deild með Víkingi Ó. Guðfinnur Þór steig sitt fyrsta skref með meistaraflokki í september 2017 þegar hann kom inn á sem varamaður í leik ÍA gegn KA á síðustu mínútu leiksins.\r\n\r\n„Mér líst hrikalega vel á liðið. Æfingarnar eru skemmtilegar, þetta er flottur hópur og ég er hrikalega spenntur fyrir komandi sumri.“ sagði Guðfinnur Þór eftir undirskriftina.",
  "innerBlocks": []
}