{
  "name": "core/freeform",
  "attributes": [],
  "saveContent": "Dóra Ólafsdóttir, sem var elst allra Íslendinga, lést á hjúkrunarheimilinu Skjólvangi í Reykjavík föstudaginn 4. febrúar á 110. aldursári. Dóra átti lögheimili á Ægissíðu í Hvalfjarðarsveit, þar sem sonurinn Áskell og Vilborg tengdadóttir hennar búa, en dvaldi á hjúkrunarheimilinu síðustu æviárin. Fram undir það síðasta fylgdist Dóra vel með þjóðmálum, íþróttum og mannlífinu, las blöðin og var viðræðugóð. Hún var vel ern en aðeins var þó sjón og heyrn farin að gefa eftir undir lokin.\r\n\r\nAðeins einn Íslendingur hefur náð hærri aldri en Dóra. Það er Guðrún Björg Björnsdóttir sem var á fjórða aldursári þegar hún flutti með foreldrum sínum frá Vopnafirði til Vesturheims og var orðin 109 ára og 310 daga þegar hún lést, í ágúst 1998, á dvalarheimilinu Betel í Gimli í Manitoba í Kanada. Dóru vantaði því rúma þrjá mánuði til að ná sama aldri og Guðrún Björg. Eiginmaður Dóru var Þórir Áskelsson sjómaður og seglasaumari en hann lést árið 2000. Sonur þeirra er Áskell fyrrverandi ritstjóri Bændablaðsins og eldri dóttir Dóru er Ása Drexler sem búsett er í Bandaríkjunum.\r\n\r\nDóra sagði í fréttaviðtölum að á æskuheimilinu hafi hún alltaf fengið hollan mat og að nýmeti hafi oft verið á borðum. Dóra taldi að langt líf væri ekki síst að þakka reglulegri hreyfingu en hún gekk alltaf milli heimilis og vinnustaðar á Akureyri og fór reglulega í sund. Þá brúkaði hún hvorki áfengi né tóbak.",
  "innerBlocks": []
}