medium

large

thumbnail

1536x1536

small

custom-size

Stefán Þór ráðinn þjálfari hjá Knattspyrnufélagi ÍA

Íbúum í Helgafellssveit aftur ráðlagt að sjóða neysluvatn

2048x2048

Lenti á klakastykki

Mesta fjölgun íbúða í hálfa öld

Jákvæð rekstrarafkoma en aukin skuldsetning

Ferðamálastefna og aðgerðaáætlun kynnt

core/freeform

Á Þorrablóti Skagamanna, sem fram fór í streymi í gærkvöldi, var tilkynnt um val á Skagamanni ársins. Að þessu sinni er það stór hópur fólks, eða starfsfólk leik-, grunn- og framhaldsskóla á Akranesi og frístundastarfs í bæjarfélaginu. Skagamenn ársins eru því starfsmenn Akrasels, Garðasels, Vallarsels, Teigasels, Brekkubæjarskóla, Grundaskóla, Fjölbrautaskóla Vesturlands og Frístundamiðstöðvarinnar Þorpsins. Það var Sævar Freyr Þráinsson bæjarstjóri sem kynnti Skagamenn ársins með eftirfarandi erindum sem Heiðrún Jónsdóttir, þjónustufulltrúi á bæjarskrifstofu Akraneskaupstaðar, orti af þessu tilefni:

&nbsp;

Þegar árar ekki vel

ennþá herjar Covidið,

gæfa er þá góð ég tel

að geta treyst á frábært lið.

&nbsp;

Vinna þau af ábyrgð öll,

ekki klikka neitt á því.

Mörgum sinna málum snjöll,

mikilvægum störfum í.

&nbsp;

Áskorana fjölda fá

fagleg nota ráðin enn,

um þau líka eru að sjá

uppvaxandi Skagamenn

&nbsp;

Öllum þakka margfalt má

merkum hóp í þetta sinn,

Skólastarfsfólk skilið á

Skagamannatitilinn.

&nbsp;

Í umsögn um valið segir: „Líkt og árið 2020 þá mæddi mikið á starfsfólki í leik-, grunn og framhaldsskólum og frístundastarfi bæjarins á árinu 2021. Síbreytilegar sóttvarnarreglur vegna COVID-19 hafa verið mikil áskorun fyrir stjórnendur og starfsfólk skólanna við að sinna kennslu eins vel og hægt er miðað við aðstæður. Staðnám hefur verið í gangi að mestu leyti á þessu ári með þeim skilyrðum sem hafa verið í gildi hverju sinni. Grímuskylda, fjarlægðarmörk, sóttkví, smitgátt, einangrun hafa verið óþarfalega fyrirferðarmikil í skólastarfinu ásamt því að margir hafa þurft að kljást við loftgæða- og rakavandamál í skólahúsnæði. Þessar aðstæður hafa kallað á útsjónarsemi, skipulag og breytta kennsluhætti til að geta haldið skólastarfinu úti á árinu.“

Þeir sem tóku við viðurkenningunni fyrir hönd stofnana sinna, fengu afhenta blómaskreytingu frá Módel og vatnslitamynd af viðkomandi stofnun, sem Bjarni Þór Bjarnason málaði. Fulltrúar stofnana sinna voru þau; Arnar Sigurgeirsson frá Fjölbrautaskóla Vesturlands, Karítas Gissurardóttir frá Brekkubæjarskóla, Vilborg Helgadóttir frá Grundaskóla, Kolbrún Hlíf Guðmundsdóttir frá Akraseli, Sonja Sveinsdóttir frá Garðaseli, Sigríður Ása Bjarnadóttir frá Teigaseli, Hrefna Ingólfsdóttir frá Vallarseli og Ársæll Hrafn Erlingsson frá Frístundamiðstöðinni Þorpinu.

„Akraneskaupstaður sendir öllu starfsfólki leik-, grunn- og framhaldsskóla á Akranesi og frístundastarfi bæjarins hamingjuóskir með titillinn Skagamenn ársins 2021.“

Starfsfólk skóla og frístundastarfs eru Skagamenn ársins