medium

large

thumbnail

1536x1536

2048x2048

small

custom-size

Leikskólabörn skoðuðu sjúkrabílinn

Héldu forvarnadag í Fjölbrautaskóla Vesturlands

Askja Vesturlandi opnar á laugardaginn

Nagladekkin undan?

Skorradalshreppur hástökkvari í íbúafjölgun

Mældist á 140 km hraða þar sem hámarkshraði er 90

core/freeform

Nýstofnað fyrirtæki Snælda ehf., sem er í eigu Hraðfrystihúss Hellissands og KG fiskverkunar í Rifi ásamt litlum eignarhluta Snæfellsbæjar, er byrjað framkvæmdir við byggingu tveggja raðhúsa á Hellissandi. Byrjað er að jarðvegsskipta í grunnum undir húsin, en þetta verða tvö raðhús með þremur íbúðum í hvoru og verða fjórar íbúðir 116 fermetrar að stærð með bílskúr en hinar tvær verða 80 fermetrar. Það er Nesbyggð sem byggir húsin en Stafnafell annast jarðvegsvinnu.

Kristinn Jónasson bæjarstjóri Snæfellsbæjar segir í samtali við Skessuhorn að það vanti íbúðir í Snæfellsbæ og talsverður skortur er á vinnuafli í sveitarfélaginu. „Það vantar fólk alls staðar til starfa,“ segir Kristinn. Hann segir að m.a. vanti tilfinnanlega iðnaðarmenn á svæðið auk sjómanna. Hann vonast því til að þessar nýbyggingar muni laða að fólk til búsetu og starfa. Áætlað er að húsin verði tilbúin í lok þessa árs og verða þau sett í almenna sölu.

Snælda byggir nýtt íbúðarhúsnæði á Hellissandi