Bóndadagurinn er í dag

Bóndadagurinn er í dag, fyrsti dagur Þorra. Fjölmargir gera sér dagamun í mat af því tilefni. Í verslunum er víða hægt að fá þorramat í ýmsum pakkningum. Meðfylgjandi mynd var hins vegar tekin í Einarsbúð á Akranesi í morgun. Þar getur fólk valið úr kjötborðinu mat sem hentar hverjum og einum. Kjötborðið í Einarsbúð er líklega það síðasta í landshlutanum þar sem fólk getur fengið afgreitt eftir vigt það sem hentar fjölskyldurstærð. Það kunna viðskiptavinir að meta, enda var mikið að gera hjá Ingibjörgu Skúladóttur við afgreiðslu á þorramat í morgun þegar blaðamaður leit við.

Líkar þetta

Fleiri fréttir