Öllum tilboðum hafnað í verkfræðihönnun Grundaskóla

Á fundi hjá skipulags- og umhverfisráði Akraneskaupstaðar á mánudaginn voru opnuð tilboð í verkfræðihönnun Grundaskóla á Akranesi vegna fyrirhugaðra breytinga og framkvæmda við skólahúsið. Alls bárust fjögur tilboð og voru þau öll vel yfir uppfærðri kostnaðaráætlun Akraneskaupstaðar sem hljóðar upp á rúma 31 milljón króna. Innkomin tilboð voru frá 42,4 milljónum króna til 71,8 milljónar. Skipulags- og umhverfisráð samþykkti á fundinum að hafna öllum tilboðum í ljósi þess að þau eru vel fyrir ofan kostnaðaráætlun. Sigurði Páli Harðarsyni, sviðsstjóra, var falið að vinna málið áfram.

Líkar þetta

Fleiri fréttir