Brimir BJJ opnað á nýjum stað á morgun

Brimir BJJ verður opnað á nýjum stað við Smiðjuvelli 17 á Akranesi á morgun. Valentin Fels Camilleri opnaði Brimir BJJ á Akranesi í ágúst 2020 og kennir þar bardagaíþróttina brasilískt jiu-jitsu. Í tilefni opnunarinnar mun bardagaíþróttamaðurinn Gunnar Nelson heimsækja stöðina og vera með sýnikennslu ásamt Vilhjálmi Arnarssyni og Valentin. Húsið verður opnað kl. 9:45 og unglingaviðburður fyrir 11-15 ára hefst kl. 10:00. Viðburður fyrir 16 ára og eldri hefst svo kl. 11:30 en vegna takmarkana í samfélaginu er mikilvægt að skrá sig fyrst. Hægt er að finna skráningarform á Facebook síðunni Brimir BJJ.

Líkar þetta

Fleiri fréttir