{
  "name": "core/freeform",
  "attributes": [],
  "saveContent": "Gul veðurviðvörun tekur gildi við Breiðafjörð og Faxaflóa í kvöld og stendur fram á nótt en þá á að lægja. Önnur gul viðvörun tekur svo við snemma í fyrramálið og er í gildi fram að hádegi á fimmtudag. Við Faxaflóa tekur fyrri viðvörunin gildi klukkan 21:00 í kvöld og stendur yfir til klukkan 2:00 í nótt. Þá er spáð suðvestan 18-23 m/s og éljum með lélegu skyggni. Við Breiðafjörð tekur viðvörunin gildi klukkan 23:00 í kvöld og gildir til klukkan 3:00 í nótt. Þá á að vera suðvestan 18-25 m/s og él með lélegu skyggni. Versnandi akstursskilyrðum svo það verður varasamt ferðaveður á þessum tíma í landshlutanum.\r\n\r\nÍ fyrramálið tekur gul viðvörun gildi klukkan 9:00 við Breiðafjörð og klukkutíma síðar við Faxaflóa og er viðvörunin í gildi til klukkan 12:00 að hádegi á fimmtudag. Við Breiðafjörð er spáð suðvestan 18-25 m/s og éljum og við Faxaflóa er spáð 15-23 m/s og éljum. Lélegt skyggni verður á öllu Vesturlandi og varasamt ferðaveður.",
  "innerBlocks": []
}