{
  "name": "core/freeform",
  "attributes": [],
  "saveContent": "Jólastjarnan sem sett er á sementsgeymana hjá Sementsverksmiðjunni í desember ár hvert kemur mörgum Skagamanninum í jólaskapið. Yfirleitt er það fastur liður að kveikt er á stjörnunni 12. desember ár hvert og tengist það því að á þeim degi kemur fyrsti jólasveinninn til byggða. Margir hafa haldið því fram að stjarnan hafi verið fyrsta jólalýsingin sem sást á Akranesi ár hvert. Nú síðustu ár hefur hins vegar verið kveikt á stjörnunni fyrstu helgina í desember og er ástæðan sú að bæjaryfirvöld hafa hvatt fyrirtæki til að vera fyrr á ferðinni með ljósaskreytingar og hefur Sementsverksmiðjan orðið við þeirri ósk.\r\n\r\n<em>Nánar er fjallað um hina gamalgrónu jólastjörnu í Skessuhorni vikunnar.</em>",
  "innerBlocks": []
}