{
  "name": "core/freeform",
  "attributes": [],
  "saveContent": "Guð viðvörun er nú í gildi um vestan- og sunnanvert landið fyrir miðvikudagskvöld og fram að hádegi á fimmtudag. Kröpp lægð kemur þá upp að vestanverðu landinu.\r\n\r\nVið Faxaflóa er gul viðvörun frá klukkan 22 á miðvikudagskvöld fram að hádegi á fimmtudag. Þar verður suðaustan 20-25 m/s. „Búast má við mjög snörpum vindhviðum við fjöll, einkum á Kjalarnesi, við Hafnarfjall og á sunnanverðu Snæfellsnesi. Varasamt fyrir ökutæki sem taka á sig mikinn vind. Afmarkaðar samgöngutruflanir líklegar. Fólk er hvatt til að sýna aðgát og ganga frá lausum munum til að forðast tjón.“\r\n\r\nVið Breiðafjörð gildir gul viðvörun frá klukkan 01 aðfararnótt fimmtudags og fram yfir hádegi. „Suðaustan 20-28 m/s. Búast má við mjög snörpum vindhviðum við fjöll, einkum á norðanverðu Snæfellsnesi og í Dölunum. Varasamt fyrir ökutæki sem taka á sig mikinn vind og afmarkaðar samgöngutruflanir líklegar. Fólk er hvatt til að sýna aðgát og ganga frá lausum munum til að forðast tjón.“",
  "innerBlocks": []
}