{
  "name": "core/freeform",
  "attributes": [],
  "saveContent": "Í gær voru greind að minnsta kosti 518 ný smit Covid-19 á landinu. Það er langmesti fjöldi smita sem greinst hefur á einum degi frá upphafi veirunnar, en áður var hæsta talan 318 smit. Veiran er því í veldisvexti og viðbúið að smitum fjölgi enn frekar yfir jólin þrátt fyrir að hertar samkomutakmarkanir hafi tekið gildi á miðnætti.\r\n\r\nSamkvæmt Covid.is vefnum eru 45 einstaklingar í einangrun á Vesturlandi og 80 í sóttkví. Í samantekt Lögreglunnar á Vesturlandi frá í gær skiptast tölur þannig að 26 eru í einangrun á Akranesi og 55 í sóttkví; í Borgarnesi eru 12 í einangrun og tíu í sóttkví; í Grundarfirði eru þrír í einangrun og sjö í sóttkví; í Ólafsvík eru tveir í einangrun og fjórir í sóttkví; í Stykkishólmi eru tveir í einangrun en enginn í sóttkví og loks eru fjórir í sóttkví í Dölum, en enginn í einangrun.",
  "innerBlocks": []
}