{
  "name": "core/freeform",
  "attributes": [],
  "saveContent": "Kannanir hafa sýnt að eldvarnir eru ófullnægjandi á mörgum heimilum og íbúarnir því berskjaldaðir fyrir eldsvoðum. Hættan er mest þegar líður að jólum, þegar skreytingum fjölgar. Svo um sjálfar hátíðirnar þarf að passa upp á enn fleira, svo sem raforkunotkun, ástand reykskynjara, logandi kerti og margt fleira.\r\n\r\nÍ ljósi þess að nú gengur í garð sá árstími þar sem hætta er á eldsvoðum af völdum kertaljósa og jólaskreytinga hefur Bjarni K. Þorsteinsson slökkviliðsstjóri í Borgarbyggð tekið saman lista með atriðum sem nauðsynlegt er að hafa í huga um hátíðirnar. Bjarni tekur fram að hann mælir fyrir hönd allra slökkviliða í landshlutanum, sömu heilræði eiga alls staðar við. Ábendingar Bjarna fylgja hér á eftir.\r\n\r\n&nbsp;\r\n\r\n<strong>Lágmarkseldvarnir á heimilum eru:</strong>\r\n<ul>\r\n \t<li>Virkir reykskynjarar, tveir eða fleiri.</li>\r\n \t<li>Léttvatns- eða duftslökkvitæki við helstu flóttaleið.</li>\r\n \t<li>Eldvarnateppi á sýnilegum stað í eldhúsi.</li>\r\n</ul>\r\n<strong> </strong>\r\n\r\n<strong>Gætum varúðar um jól og áramót</strong>\r\n<ul>\r\n \t<li>Reykskynjarar eru sjálfsögð og ódýr líftrygging, skipta skal um reykskynjara á tíu ára fresti. Og rafhlöður í byrjun desember ár hvert eða oftar ef þörf er á.</li>\r\n \t<li>Átt þú handslökkvitæki? Er það í lagi? Hvenær var það síðast yfirfarið?</li>\r\n \t<li>Slökkvitæki á að vera á sýnilegum stað, ekki í felum inni í skáp!</li>\r\n \t<li>Ofhlöðum ekki fjöltengi og gætum að gömlum og lélegum rafbúnaði.</li>\r\n \t<li>Notum ávalt viðurkenndar rafvörur og fjöltengi með slökkvara og gaumljósi.</li>\r\n \t<li>Eldvarnateppi skal vera í hverju eldhúsi og á aðgengilegum og sýnilegum stað.</li>\r\n \t<li>Gerum flóttaáætlun úr íbúðinni vegna eldsvoða með öllum á heimilinu og æfum hana reglulega. Tvær greiðar flóttaleiðir úr hverri íbúð!</li>\r\n \t<li>Gætum varúðar í umgengni við kertaljós og skreytingar, skiljum börn aldrei eftir eftirlitslaus nærri logandi kertum eða eldi.</li>\r\n \t<li>Aðgætum íbúðir okkar áður en gengið er til hvílu, eða þær eru yfirgefnar að degi til, hvort nokkurs staðar logi á kerti eða skreytingum.</li>\r\n \t<li>Logandi kertaljós séu aldrei höfð í gluggum vegna dragsúgs og lausra gardína.</li>\r\n \t<li>Dreifið sem mest raforkunotkun við matseld um jól og áramót. Það kemur í veg fyrir hugsanleg óþægindi vegna mikils álags á dreifikerfi rafmagns.</li>\r\n \t<li>Ullar- eða leðurvettlingar á höndum og öryggisgleraugu á öll nef við meðferð flugelda um áramót.</li>\r\n \t<li>Munum 112 Neyðarlínuna ef slys, veikindi eða eldsvoða ber að höndum.</li>\r\n</ul>",
  "innerBlocks": []
}