{
  "name": "core/freeform",
  "attributes": [],
  "saveContent": "Víðtæk leit er hafin á suðvesturhorni landsins að 29 ára karlmanni, Almari Yngva Garðarssyni. Síðast er vitað um ferðir hans í Hafnarfirði aðfararnótt sunnudagsins. Í viðtali við fréttavef RUV segir Skúli Jónsson aðstoðaryfirlögregluþjónn að vísbendingar séu eins og stendur fáar en Almar Yngvi virðist hafa verið á gráum Cheverolet Spark með bílnúmerið HUX90. Að sögn Skúla bætir lögregla nú í leitina og hefur kallað bæði björgunarsveitir og Landhelgisgæsluna til leitarinnar. Horft er til suðvesturhornsins og verður þyrlusveit Landhelgisgæslunnar nýtt við leitina. „Menn eru að skipuleggja þetta núna og eru að vinna í því að koma sér af stað,“ segir Skúli í viðtali við RUV. Ekki er grunur um að neitt saknæmt átt sér stað.\r\n\r\nLögreglan á höfuðborgarsvæðinu biðlar til borgara að láta vita ef fólk hefur upplýsingar um Almar Yngva eða bílinn. Hingað til hafa nokkrar ábendingar borist en engar þeirra hafa nýst við leitina.\r\n\r\n<img class=\"alignnone size-medium wp-image-49751\" src=\"https://skessuhorn.is/wp-content/uploads/2021/12/Vidtaek-leit_ekki-i-blad_2-600x514.png\" alt=\"\" />",
  "innerBlocks": []
}