{
  "name": "core/freeform",
  "attributes": [],
  "saveContent": "<h4>Fékk í haust ígrædd rafskaut – DBS tækni heldur einkennum niðri</h4>\r\nHér á landi eru að jafnaði 600-800 manns sem haldnir eru sjúkdómi sem kenndur er við enska lækninn James Parkinson sem fyrstur uppgötvaði hann árið 1817. Parkinson er taugahrörnunarsjúkdómur sem hefur áhrif á þær taugafrumur í heilanum sem stjórna hreyfingu. Glíma sjúklingar þá við skjálfta, vöðvastífleika og minni hreyfigetu. Sjúkdómurinn er ekki banvænn sem slíkur en lyf sem gefin eru hafa töluverð áhrif á lífsgæði fólks. Þrátt fyrir að ekki sé til lækning við sjúkdómnum er margt sem fólk getur gert til að bæta lífsgæði. Þar á meðal er hreyfing og jákvætt hugarfar. Guðni Tryggvason á Akranesi lærði upphaflega húsgagnasmíði en hefur starfað við verslun mestan sinn starfsaldur. Hann og eiginkona hans Hlín Sigurðardóttir fagna því á næsta ári að verslunin Módel sem þau eiga og reka verður 30 ára. Fyrir fimmtán árum greindist Guðni með Parkinsonsjúkdóminn. Sjálfur segir hann það lán í óláni að sjúkdómurinn hefur verið lengi að ágerast hjá honum. Allan þennan tíma hefur hann því getað stundað vinnu, en vissulega hafi verið farið að draga úr þrekinu síðari árin. Þá segist Guðni hafa unnið í lottóinu þegar honum bauðst nú í haust að gangast undir stóra aðgerð á Karólínska sjúkrahúsinu í Stokkhólmi. Þar hafi verið ígrædd í heila hans tvö rafskaut sem stýrt er af flóknum stjórntækjum. Dregið hefur verulega úr þeim áhrifum sem sjúkdómurinn er að valda í hans tilfelli. Guðni var fyrsti Íslendingurinn til að þiggja þessa nýju tækni. Skessuhorn ræddi við Guðna um sjúkdóminn, aðgerðina og þá breytingu sem hann fann um leið og hann steig fyrst í fæturna eftir aðgerðina í september.\r\n\r\nÝtarlega er rætt við Guðna Tryggvason í jólablaði Skessuhorns.\r\n\r\n&nbsp;",
  "innerBlocks": []
}